NKPI

Gənc Alimlər Şurası

GƏNC ELMİ KADRLAR İNSTİTUTUN GƏLƏCƏYİDİR

 

  • Neft Kimya Prosesləri Institutunda hal–hazırda 500-dən artıq əməkdaş çalışır ki, onlardan 200-ü gənc alimlərdir. 2013-cü ildə İnstitutda Gənc Alimlər və Mütəxəssislər Şurası yardılmışdır. Şuranın 21 üzvü var və onun sədri texnika üzrə fəlsəfə dokdoru N.R.Abdul­layevadır
  • Gənc Alimlər və Mütəxəssislər Şurasının məqsədi-respublikanın kimya profilli təş­kilatları və müəssisələrinin gənc alim və mütəxəssisləri arasında əlaqələrin yaradılması və genişləndirilməsi, bilik və təcrübə mübadiləsidir.
  • İnstitutda Azərbaycan Dövlət Neft Akademiyasının, Bakı Dövlət Universitetinin, M.V.Lo­monosov adına Moskva Dövlət Universitetinin Bakı filialının bakalavr və magistrləri diplom işlərini yerinə yetirirlər. İnstitutun alim və mütəxəssisləri ilə birlikdə Ali Neft Məktəbinin tələbələri praktika keçirlər.
  • Bu ali məktəb tələbələrinin bir hissəsi İnstitutun doktoranturasnda öz təhsillərini “Neft kimyası”, “Kimya texnologiyası və mühəndislik”, “Neft, qaz və kömürün emalı texnolo­giyası”, “Qazların emalı proseslərinin kimyası və texnologiyası”, “Makromolekulyar kimya” və s. ixtisaslar üzrə davam etdirirlər.
  • Gənc Alimlər və Mütəxəssislər Şurasının təşkilatçılığı ilə gənc mütəxəssislər, gənc alim­lərin müsabiqələrində, seminar-məktəblərdə, respublika və beynəlxalq konfranslarda işti­rak edirlər. 
  • Gənc Alimlər və Mütəxəssislər Şurası alimlərə qrant köməyi göstərən fondlar haqqında  gənclərə məlumat verir, namizədlik minimumlarına hazırlıqda onlara kömək edir, bayram tədbirlərini və gənclərin istirahətlərini təşkil edir. 
  • İnstitutun doktorantları və gənc alimləri hər il müxtəlif müsabiqələrdə iştirak edirlər və qalib gəlirlər. Bunlar Respublika gününə, Neftçilər gününə, Ümummilli lider H.Ə.Əliye­vin anadan olunmasına həsr olunmuş müsabiqələr, gənclər arasında ilin ən yaxşı elmi-tədqiqat işinə həsr edilmiş müsabiqə, Azərbaycan Respublikası Prezidenti yanında Elmin İnkişaf Fondu, Gənclər Fondu, Bilik Fondunun xətti ilə keçirilən Qrant proqramları, eləcə də AMEA və NKPİ-nin keçirdiyi gənc alimlərin müsabiqələridir.