Maraqlı Məlumatlar
AĞAYEV BÖYÜKKİŞİ AĞA OĞLU
B.A.Ağayev 1928-ci il sentyabr ayının 10-da Zərdab rayonunun Əlvənd kəndində anadan olmuşdur.
Azərbaycan Tibb Universitetinin müalicə fakültəsini bitirmişdir [1949].
B.A.Ağayev fəlsəfə [1957] və elmlər doktorluğu [1966] dissertasiyalarını müdafiə etmişdir. Professor elmi adına layiq görülmüşdür [1968].
B.A.Ağayev Azərbaycan SSR EA-nın müxbir [1980] və həqiqi üzvü [1989] seçilmişdir.
1949-cu ildə Tibb İnstitutunu bitirdikdən sonra, 6 ay müddətində akademik M.M.Mirqasımovun rəhbərlik etdiyi Cərrahiyyə kafedrasında təkmilləşmə keçmiş və sonrakı 1950-54-cü illərdə Sabirabad rayon xəstəxanasında həkim- cərrah kimi çalışmışdır.
B.A.Ağayev Həştərxan Tibb İnstitutunun Cərrahiyyə kafedrasının assisenti [1958-60], Azərbaycan Səhiyyə Nazirliyinin Elmi Tədqiqat Onkologiya İnstitutunun Cərrahiyyə şöbəsinin baş elmi işçisi və şöbə müdiri [1960-67] vəzifəsində çalışmışdır.
B.A.Ağayev Azərbaycan Tibb Universitetinin Cərrahiyyə kafedrasının müdiri [1973], Elmi Tədqiqat Qastroenterologiya İnstitutunun [1988], akademik M.A.Topçubaşov adma Elmi Cərrahiyyə Mərkəzinin direktorudur [1999].
Elmi fəaliyyətinin əsas istiqamətini hepotobiliar cərrahiyyə, əsasən qara ciyər, öd yolları, mədəaltı vəzi, həzm sistemi orqanlarının və başqa cərrahi xəstəliklərin diaqnostikası və müalicəsi təşkil edir. Cərrahi əməliyyatlarla əlaqədar orqanizmin immun sistemindəki dəyişikliklərin nizamlanması, müxtəlif orqanların funksional fəaliyyətinin müəyyənləşdirilməsi sahəsində alimin eksperimental nəticələr əsasında təcrübi tövsiyələri və ixtiraları dünya tibb elminin yeniliklərindəndir. Öd yollarında aparılan bir sıra rekonstruktiv və bərpa- edici əməliyyatların təkmilləşdirilməsində və praktiki olaraq tətbiqində böyük xidmətləri olmuşdur. 400-ə qədər elmi əsərin, 12 monoqrafiya, "Cərrahi əməliyyatlar atlası”nın [2013], dərsliklərin və 8 ixtiranın müəllifidir.
B.A.Ağayev beynəlxalq aləmdə tanınmış, yüksək ixtisaslı cərrah-klinisistdir. Ölkəmizdə mədə-bağırsaq orqanlarının cərrahi müalicəsinin inkişafında və tibb kadrlarının hazırlanmasında xidmətləri böyükdür.
Alimin elmi rəhbərliyi altında 52 fəlsəfə doktoru, 9 elmlər doktoru dissertasiyası müdafiə edilmişdir.
Azərbaycanın Əməkdar elm xadimi [1979], "Şöhrət" ordeni [1998], ak. M.A.Topçubaşov adma və ak. M.M.Mirqasımov adma dövlət mükafatları ilə [2014] təltif edilmişdir. ABŞ Biblioqrafiya Mərkəzinin qızıl medalı ilə mükafatlandırılmışdır [1996]. Bir cox beynəlxalq elmi-cərrahiyyə cəmiyyətlərinin üzvü seçilmiş və fəxri fərmanlarla təltif olunmuşdur.
2016-09-29 36100
Ətraflı
Son Xəbərlər
AMEA-da 27 Mart – Elm Günü təntənəli şəkildə qeyd olunub
Martın 27-də Azərbaycan Milli Elmlər Akademiyasının Əsas binasının Dairəvi zalında Elm Günü münasibətilə “Elm Günü və Günün
2024-03-27
Neft-Kimya Prosesləri İnstitutunun əməkdaşlarının yeni kitabı çap olunub
Azərbaycan Respublikası Elm və Təhsil Nazirliyinin akademik Yusif Məmmədəliyev adına Neft-Kimya Prosesləri İnstitutunun əməkdaşları – kimya elmləri
2024-03-22
Xankəndi, 18 mart, 2024-03-19