Maraqlı Məlumatlar
1930-cu ildə kimya üzrə Nobel mükafatçısı - HANS EYQEN FİŞER
Alman kimyaçısı və biokimyaçısı Hans Eyqen Fişer 1881-ci ilin iyulun 27-də Xexstdə anadan olmuşdur. 1904-cü ildə Marburqsk Universitetini bitirmişdir. 1910-1916-cı illərdə Münxendə ikinci klinikada, Birinci kimya İnstitutunda, O. Frank adına Fiziologiya İnstitutunda işləmişdir. 1916-cı ildən İnsbruks Universitetinin, 1918-ci ildən Vyana İniversitetinin professoru olmuş, 1921-1945-ci illərdə Münxendəki Ali texniki məktəbin professoru olmuşdur.
Əsas işləri pirrol və onun törəmələrinin kimyasına həsr olunmuşdur. Qanın, ödün tərkibinə daxil olan və bitkilərin yaşıl komponentlərində olan pirrol piqmentləri tədqiq etmişdir. 1920-ci ildə xlorin və digər pirrol birləşmələrini sintez etmişdir. 1931-ci ildə bilrubini sintez etmiş, 1929-cu ildə alfa-xlorofilin və 1940-cı ildə betta-xlorofilin quruluşlarını müəyyən etmişdir. 1929-cu ildə hemini sintez etmişdir. 1929-cu ildə göstərmişdir ki, qanın hemoqlobini qlobin zülalından və heminin dəmirə malik kompleksindən ibarətdir.
1941-ci ildə porfirinlərin vinil qruplarının hidrazin ilə reduksiyasının şərhini vermişdir.
1930-cu ildə “Heminin və xlorofillin tərkibinin tədqiqinə, xüsusən də heminin sintezinə görə” kimya üzrə Nobel mükafatına layiq görülmüşdür.
Hans Eygen Fişer 1945-ci ilin martın 31-də vəfat etmişdir.
2015-10-29 35926
Ətraflı
Son Xəbərlər
AMEA-da 27 Mart – Elm Günü təntənəli şəkildə qeyd olunub
Martın 27-də Azərbaycan Milli Elmlər Akademiyasının Əsas binasının Dairəvi zalında Elm Günü münasibətilə “Elm Günü və Günün
2024-03-27
Neft-Kimya Prosesləri İnstitutunun əməkdaşlarının yeni kitabı çap olunub
Azərbaycan Respublikası Elm və Təhsil Nazirliyinin akademik Yusif Məmmədəliyev adına Neft-Kimya Prosesləri İnstitutunun əməkdaşları – kimya elmləri
2024-03-22
Xankəndi, 18 mart, 2024-03-19